കുളത്തൂർ
ഗ്രാമ പഞ്ചായത്ത്

നെയ്യാറ്റിൻകര താലൂക്കിൽ നെയ്യാർ നദിയുടെ തീരത്ത് തെക്കുകിഴക്കേയറ്റത്ത് സ്ഥിതിചെയ്യുന്ന കുളങ്ങളുടെ നാടാണ് കുളത്തൂർ. 1956-ൽ ഭാഷാടിസ്ഥാനത്തിൽ കേരളസംസ്ഥാനം രൂപം കൊണ്ടപ്പോഴാണ് കേരള-തമിഴ്നാട് അതിർത്തിപ്രദേശം ഉൾക്കൊളളിച്ചുകൊണ്ട് കുളത്തൂർ പഞ്ചായത്ത് നിലവിൽ വന്നത്. 1960-ൽ പഞ്ചായത്തിന്റെ കിഴക്കുഭാഗം ഉൾക്കൊള്ളിച്ചുകൊണ്ട് കാരോട് പഞ്ചായത്ത് രൂപീകരിക്കാൻ വിഭജിച്ചപ്പോഴാണ് കുളത്തൂർ പഞ്ചായത്തിന് ഇന്നത്തെ രൂപം കൈവന്നത്. നെയ്യാറിന്റെ തലോടൽ കൊണ്ട് അനുഗ്രഹീതമായ ഈ പ്രദേശം അറേബ്യൻ കടലിന്റെയും, എ.വി.എം.കനാലിന്റെയും, കൊടിതൂക്കിപൊറ്റയുടെയും സാമീപ്യത്താൽ പ്രകൃതിരമണീയമാണ്. കടലും കടലോരവും നദിയും കുളങ്ങളും കുന്നുകളും താഴ്വ‌രകളും തോടുകളും നെൽപ്പാടങ്ങളും തെങ്ങിൻതോപ്പുകളും സമഞ്ചസമായി ചേർന്നതാണീ പ്രദേശം. ഈ പഞ്ചായത്തിന്റെ പടിഞ്ഞാറെ അതിർത്തിയിലൂടെ ഒഴുകുന്ന നെയ്യാർ സമുദ്രത്തിൽ പതിക്കുന്ന പരുത്തിയൂർ പൊഴിക്കരയിലെ മനോഹരതീരവും അതിനടുത്ത് വടക്കുപടിഞ്ഞാറ് മാറിസ്ഥിതിചെയ്യുന്ന കൊടിതൂക്കിക്കുന്നും ടൂറിസ്റ്റുകേന്ദ്രങ്ങളായി മാറിക്കൊണ്ടിരിക്കുന്നു. ചരിത്രമുണർത്തുന്ന അനന്ത വിക്ടോറിയ മാർത്താണ്ഡൻ തോട്, നെയ്യാറിന്റെ പതനസ്ഥലമായ പൊരുത്തിയൂർ...